10-11-2023
O grupo Rede participa na 5ª reunión do consorcio do proxecto H2020 TransformAr en Atenas
A Universidade de Vigo segue traballando no
proxecto H2020 TransformAr e membros do grupo de investigación REDE, xunto con membros do grupo GEOMA-UVigo e o resto de socios, participan na 5ª reunión do consorcio celebrada en Egaleo (Atenas) do 7 ao 9 de novembro de 2023.
Durante as tres xornadas analizouse o avance do proxecto e definiuse unha planificación estratéxica para acadar os obxectivos marcados para os vindeiros meses.
Este evento tivo lugar nun punto intermedio do proxecto, despois de dous anos de execución. Neste fito clave, o elemento principal do debate centrouse en achegar solucións concretas de implementación nos 6 Demostradores do proxecto, acelerar o seu despregue e medir os seus impactos en termos de adaptación transformacional.
Durante o encontro tamén se visitaron as ubicacións das solucións desenvolvidas no demostrador do Municipio de Egaleo. Esta actividade supuxo unha oportunidade para coñecer en profundidade como se están a implementar estas solucións para adaptar a cidade ao cambio climático e para compartir experiencias e boas prácticas.
Facultade de CC. Económicas e Empresariais de Vigo - Campus Lagoas-Marcosende s/n. 36310 Vigo (España)
Tel. (+34) 986 130 108 
rede@uvigo.es